Enno Bozdo duke qëndruar në linjën e ish-kryeministrit Sali Berisha dhe jo vetëm, shprehet se duhet të shuhen përplasjet brenda Partisë Demokratike pasi demokratët nuk e kanë luksin të jenë të përçarë në këtë situatë.
Sipas tij nevojitet bashkim, pasi beteja duhet të jetë me Ramën dhe jo me veten. Në kuadër të kësaj, Bozdo thekson se çelësi mbetet garantimi i zgjedhjeve të ndershme dhe të barabarta në PD që mund të arrihet përmes një platforme të mbështetur në disa pika.
Sipas tij, pikat kryesore të fushatës janë: afati, modaliteti, administrimi i procesit, etika e tij.
Ndër to, Bozdo shprehet se afati edhe mund të ndryshohet, qoftë për pranimin e kandidaturave dhe për datën e votimit nëse të gjithë demokratët bien dakord; kandidatët duhet të zgjedhin bashkërisht mënyrën si do zhvillohet fushata; ata duhet të kenë akses të barabartë në listën e zgjedhësve.
“Miq, duke ndjekur zhvillimet e diteve te fundit, kam qene dhe vazhdoj te jem i bindur se nuk kemi luksin te jemi te perçare ne kete situate. Bashkimi dhe jo perçarja, qetesia dhe jo konflikti i panevojshem, do te sjelle ringritjen tone te shpejte. Ne PD nuk eshte askush i tepert.
Ka shume mosbesim, plage qe vazhdon te na vrase ne menyre te pamerituar.
Ndersa perballe mbetet Edi Rama, me qeverine me skandaloze, me kriminale dhe me te korruptuar ne historine e Shqiperise. E kemi betejen me Ramen apo me veten?
Çelësi ne mendimin tim mbetet garantimi i zgjedhjeve te ndershme dhe te barabarta ne PD. Te gjitha debatet, ne mendimin tim, duhet te shuhen nqs keto zgjedhje garantohen dhe jepet garaci e plote per zbatimin e rregullave te barabarta per te gjithe.”, shkruan Enno Bozdo.
(XH.A/SHUPLAKA)
