Një nga kundërshtarët më të fortë të Bashaës brenda PD, Astrit Patozi, e ka krahasuar Bashën me Kim Jong Un.
Sipas tij në këtë parti po ionstalohet modeli komunist.
Patozi thotë se farsa e Bashës po kapërcen çdo imagjinatë, madje këtë as ai vetë nuk e kishte parashikuar
REAGIMI I PLOTË:
Urime Lulzim! Nuk na ke zhgënjyer kurrë. Farsa jote realisht po kapërcen çdo imagjinatë. Unë e parandjeva dhe e paralajmërova në drekë, por të jem i sinqertë nuk e kisha menduar që do të mbërrinte deri ketu. Ndaj jam i gatshëm të kërkoj ndjesë për fatanzinë e pamjaftueshme. Sipas komisionit të Jeminit kanë votuar rreth 20 mijë demokratë më shumë se 4 vjet më parë.
Konkluzioni: Sa më e thellë humbja aq më e madhe dashuria për udhëheqësin e lavdishëm të partisë dhe popullit. Sepse është rasti tipik ku dhimbja kthehet n forcë. Por për shembullin e Koresë së Veriut nuk kam gabuar, ky është modeli që sot po instalohet në Partinë Demokratike. Ndërkaq, më kujtohen vitet 70-80 kur, sa më shumë varfëroheshin shqiptarët, aq më shumë shtoheshin sukseset e diktaturës. Por të gjithë e mbajnë mend se çfarë ndodhi më pas Lulzim
(B.H/Shuplaka)
