Një numër banorësh në Varshavë të Polonisë po sfidojnë kështu temperaturat e acarta dhe borën. Ata kanë vendosur të udhëtojnë apo të ecin në pa pantallona ditën e djeshme. Edhe pse temperaturat jashtë që shkonin në -10 gradë Celsius, pjesëmarrësit veshën rroba normale dimri si kapela, shaje, pallto dhe çizme, por ekspozuan këmbët e tyre në metro për të përmbushur sfidën.
Kjo tashmë është bërë si traditë. Fillimisht e nisi Nju Jork-u në vitin 2002 por tashmë është përhapur në shumë qytete të botës. Shumë banorë të Varshavës e gjetën informacionin për ngjarjen e këtij viti “online”. E mes pjesëmarrësve kishte edhe fëmijë.
“Kjo është një shfaqje pozitive. Unë e rekomandoj. Për mua nuk është aspak ftohtë”, tha një vajzë që priste në stacion. “Neve na u tha për këtë ngjarje nga vajza jonë. Kjo është hera e parë për mua, por nuk do të jetë e fundit. Më pëlqen”, shtoi nëna e saj, shkruajnëmediat botërore.
Sipas përllogaritjeve në platformat e medieve sociale, argëtimi zgjati për 4 orë dhe tërhoqi rreth 924 pjesëmarrës. Gjatë udhëtimit të tyre, sidoqoftë, pjesëmarrësit pa pantallona duhet të ruanin seriozitetin dhe të vepronin normalisht, duke ia shtuar natyrën surreale shfaqjes. (J.V/Shuplaka)
Discussion about this post