Aktorja italiane Valeria Marini, e cilësuar edhe si seksimbol i viteve nëntëdhjetë dhe mijëvjeçarit të ri, në prag të ditëlindjes së saj të 50-të ka shprehur dëshirën për t’u bërë nënë.
Në një intervistë për “Gente”, Marini ka rrëfyer një nga ëndrrat më të mëdha në jetë, të bëhet nënë.
“Jam pro fekondimit artificial. Nëse një grua dëshiron të ketë një fëmijë është e drejtë që të provojë të gjitha mënyrat. Sekreti që të mos plakesh është të mbash gjallë entuziasmin. Duhet ta shikosh jetën dhe aventuarat që do të vijnë, me sytë e vajzës që jeton brenda nesh. Ajo që jemi ne sot varet nga mendja jonë dhe të dish të shkëputesh nga padrejtësitë që kemi vuajtur ndër vite”, ka thënë Marini.
Aktorja, producentja dhe showgirl-i italian feston 50-vjetorin më 14 maj. Marini e arriti suksesin në fillim të viteve nëntëdhjetë në sajë të pjesëmarrjes si prima donna në shfaqje të ndryshme si “Bagaglino”, duke qëndruar atje për disa sezone dhe përsëri gjatë viteve si aktore luan dhe në filma e televizion. (D.D/Shuplaka)
Discussion about this post