Nuk ka mbaruar ende edicioni aktual i Ligës së Kampionëve. Mbetet të luhet edhe finalja e 1 qershorit në “Wanda Metropolitano”, për të mësuar fituesin, që do të jetë njëra nga dy skuadrat angleze: Liverpool, ose Tottenham. Pavarësisht kësaj, tashmë janë mësuar pothuajse të gjithë pjesëmarrësit e fazës së grupeve të këtij kompeticioni për sezonin e ardhshëm. Janë skuadra që e kanë fituar këtë status për momentin, ndërkohë që mungojnë gjashtë emrat që do të dalin nga raundet e mëparshëm kualifikues, si dhe nga finalja e Ligës së Kampionëve dhe e Ligës së Europës, të cilat do të kenë përfaqësues anglezë.
Këto finale mund të ndryshojnë fotografimin momental të situatës dhe të bëjë që Olympique Lyon të luajë në fazën e grupeve, në vend të raundit të mëparshëm të Champions-it (nëse Chelsea fiton finalen në Baku), ose Arsenali të përfshihet direkt në raundin e grupeve, në rast se fiton titullin e “Europa League”. Për momentin, këto janë 24 skuadrat, që tashmë e kanë të garantuar vendin në fazën e grupeve (përbëhet nga 32 skuadra) të Ligës së Kampioneve, sezoni 2019-2020, bashkë me vazon përkatëse ku pritet të pozicionohen në hedhjen e shortit:
Spanja
Barcelona (vazo 1)
Real Madrid (vazo 2)
Atlético Madrid (vazo 2)
Valencia (vazo 3)
Gjermania
Bayern Munich (vazo 1)
Borussia Dortmund (vazo 2)
Bayer Leverkusen (vazo 3)
RB Leipzig (vazo 3, ose 4)
Italia
Juventus (vazo 1)
Napoli (vazo 2)
Inter (vazo 3)
Atalanta (vazo 4)
Anglia
Manchester City (vazo 1)
Liverpool (vazo 1, si fituese e Champions)
Tottenham (vazo 1, si fituese e Champions)
Chelsea (Vazo 1, si fituese e “Europa League”)
Franca
PSG (vazo 1)
Lille (vazo 4)
Rusia
Zenit San Petersburg (vazo 1)
Lokomotiv Moscow (vazo 3, ose 4)
Ukrania
Shakhtar Donetsk (vazo 2, ose 3)
Portugalia
Benfica (vazo 2, ose 3)
Austria
Red Bull Salzburg (vazo 3)
Belgjika
Genk (vazo 3, ose 4)
Turqia
Galatasaray (vazo 3, ose 4)
