Në ditën e shtatë të protestës së opozitës, krah Lulzim Bashës janë bashkuar edhe artistë dhe intelektualë, një pjesë prej tyre të larguar nga RTSH. Bëhet fjalë për tenorin Agim Hushi, kompozitorin Edmond Zhulali dhe këngëtaren Raina Kovaçi.
Gjatë fjalimit të sotëm, Basha kritikoi ashpër kryeministrin Edi Rama që mban akoma Armando Prengën si deputet.
“Kjo ështe një republikë që nuk njeh as kushtetutë , por vetëm drogë, krim, kanabis dhe korrupsion. Kjo republikë që po jep shqiprt dhe shpirt do të japë, sot me të Edi Rama vazhdon ta mbajë Armando Prengën deputet. Vazhdon ta mbajë edhe pse është i akuzuar për plagosje me armë zjarri të paligjshme të katër qyrtëtarëve në dyert e komisariatit të kurbinit.
Vazhdon ta mbajë se përkundër faktit se ka gënjyer në formularin e tij, kur është shprehur se është i pastër se është i pisët, i djegur, i dënuar, por këto prova nuk mjaftojnë për Edi Ramën që ta heqë Armando Prengën nga parlamenti sepse parlamentin e do me kriminelë.”, tha Basha.
Por më tutje, ai përmendi edhe të pranishmit artistë: “Për Ramën nuk mjaftojnë provat për Armando Prengën sepse e do Parlamentin me plehra. Nuk do asnjë provë për të hequr Edmond Zhulalin, Raina Kovaçin, vajzën e Ramiz Kovaçit. Asnjë provë për të përbuzur intelektualët. I vetmi faj i tyre është që nuk i mbushin dot xhepat e Ramës me pare dhe hundën e Ramës me drogë”.
