Në qarkun e Ramës, qytetarët i ankohen Bashës: Kryeministri s’ka ardhur as të na takojë, harresë totale

Kreu i demokratëve Lulzim Basha pas një vizite dyditore në SHBA ka rifilluar turin e takimeve elektorale. Ai ka zgjedhur ditën e sotme Vlorën, qytetin bregdetar në të cilin kandidon dhe vetë kryeministri Rama.

I shoqëruar me kandidatët për deputetë në këtë qark që kryesohet nga Agron Shehaj, Basha është ndalur në takime me shumë nga banorët dhe biznesmenët e vegjël.

Mes shqetësimeve të shumta që lidhen me gjendjen ekonomike, papunësinë, qytetarët e Vlorës i kanë shprehur Bashës edhe një tjetër shqetësim. Sipas tyre kryeministri Rama i ka braktisur ata, madje nuk ka shkuar as në këto ditë fushate që t’i vizitojë.

“Nuk ka ardhur as të na takojë, kjo është një harresë totale”, është shprehur njëri nga qytetarët.

Ndoshta kryeministri është shumë i zënë me turet nëpër Shqipëri, sa për një çast ka harruar që falë qytetarëve vlonjatë ai u zgjodh në 2013-tën për herë të parë në karrierën e tij deputetë. (E.K/SHUPLAKA)