Ndërkohë që kreu i Partisë së tyre po luan “tek a çift” për të ndryshuar disa ministra të kabinetit qeveritar, deputetët socialistë Taulant Balla dhe Evis Kushi ia kanë marrë valles për shtatë palë qejfe, bashkë me gratë dhe vajzat e tyre.
Paraditen e sotme qarkulloi lajmi se ministri i Brendshëm Saimir Tahiri ka dhënë dorëheqjen, ndërkohë që më vonë u paralajmërua për ndryshime në kabinetin qeveritar.
Këto lëvizje të Kryeministrit Edi Rama vijnë pas presionit që po i ushtron opozita përmes protestave të vazhdueshme me kërkesë parësore garantimin e zgjedhjeve të lira dhe të ndershme nëpërmjet krijimit të një qeverie teknike.
Ndryshimet në kabinetin qeveritar pritet të konfirmohen në mbledhjen e të hënës të Kryesisë së Partisë Socialiste.
Nuk dihet sa do t’i përmbahet Rama këtij plani, por emrat e përfolur janë:
1.Bledi Çuçi, ministër Shteti për Çështjet Vendore- në Gjirokastër.
2.Mimi Kodheli, ministër i Mbrojtjes- në Dibër
3.Ilir Beqaj, ministër i Shëndetësisë-Në Kukës
4.Damian Gjiknuri, ministër i Energjisë dhe Industrisë – në Vlorë
Po kështu Niko Peleshi (zv.kryeministër) do të merret me zgjedhjet në Korçë, Lindita Nikolla (ministër i Arsimit dhe Sporteve) me zgjedhjet në Lezhë, Ditmir Bushati (ministër i Punëve të Jashtme) me zgjedhjet në Shkodër dhe Blendi Klosi(ministër i Mirëqënies Sociale dhe Rinisë) në Berat. Peleshi u përfol se do të zëvendësojë Tahirin, por nuk dihet se cila do jetë lëvizja e Ramës për një nga ministritë më delikate në qeveri. (D.D/Shuplaka)
[ngg_images source=”galleries” container_ids=”1327″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
