Dy shtetas janë vënë në prangat e policisë, pasi kanë kanosur njëri-tjetrin për shkak të një konflikti për motive pronësie.
Janë arrestuar Klevis Deliaj 20 vjeç dhe Genci Deliaj 40 vjeç, banues në Durrës, të cilët kanë kanosur me armë një 52-vjeçar dhe një 27-vjeçar.
Në cilësinë e provës materiale është kryer sekuestrimi i një armë zjarri Pistoletë tip “Lunger”.
Detaje të Policisë së Vlorës:
Konflikti mësohet të ketë ndodhur rreth orës 20:00 të mbrëmjes së kaluar.
Policia ndërhyn në kohë dhe parandalon përshkallëzimin e pasojave të një konflikti me armë zjarri ! Arrestohen në flagrancë dy shtetas të cilët kanë kanosur njëri-tjetrin, për motive pronësie ! Arrestohen shtetasit:
1- Klevis Deliaj, 22 vjeç, banues në Vlorë.
2- Genci Deliaj, 40 vjeç, banues në Vlorë.
Policia e Vlorës ka bërë arrestimin e shtetasit Klevis Deliaj, për arsye se mbrëmjen e kaluar, rreth orës 20:00, në lagjen “Ujë i Ftohtë” pas një konflikti për motive pronësie, dyshohet se ka kanosur me armë zjarri Pistoletë tip “Lunger”, shtetasin A.D., 52 vjeç (duke qëlluar vetëm një herë në ajër).
Gjithashtu, Policia ka bërë arrestimin e shtetasit Genci Deliaj, pasi gjatë konfliktit të mësipërm, dyshohet se i ka marrë nga dora shtetasit Klevis Deliaj armën e zjarrit (pistoletën e mësipërme) duke kanosur kështu shtetasin J.D., 27 vjeç, banues në Vlorë, për të njëjtat motive (pronësie).
Policia ka sekuestruar në cilësinë e provës materiale: – një armë zjarri Pistoletë tip “Lunger”, – një krëhër me 5 fishekë të kalibrit 9 mm.
