Kryetari i Partisë Demokratike, Lulzim Basha, është ndalur në Mat ku ka zhvilluar një takim në kuadër të fushatës elektorale për zgjedhjet e përgjithshme parlamentare të 25 qershorit.
Ai është shprehur përpara matjanëve se Partia Demokratike është në këto zgjedhje së bashku me aleatët, ndërsa Partia Socialiste paraqitet e përçarë. Duke u ndalur tek kundërshtari politik, ai tha se Rama përpara se të kërkojë votën e banorëve të Matit, duhet t’u tregojë atyre se çfarë bëri në katër vjet.
Gjatë prezantimit të platformës elektorale, kryedemokrati bëri me dije tri pikat ku mbështet program ekonomik i demokratëve: ulja e taksave, çmimi i energjisë, ulja e çmimit të karburantit.
Më tej, ai e u ndal tek ekipi i tij, duke e cilësuar si më përfaqësuesi.
“Prioritet i Republikës së re janë rinia dhe fëmijët. Fëmijët shqiptarë do kenë drekën të garantuar dhe do kenë mundësinë të ndjekin aktivitete passhkollore. Studentët shqiptarë do kenë mundësi të studiojnë në universitete me tarifa të ulëta dhe të sapodiplomuarit do kenë mundësinë e një viti stazh. Paratë e vjedhura do u kthehen të rinjve, fëmijëve, pensioniatëve.
Ekipi im është ekipi më përfaqësues. Është ekipi që shënon personalitete të spikatura, profesorë dhe akademikë. Njerëz të përkushtuar të punës dhe të shërbimit publik, që vijnë nga familje të lidhura me historinë, siç është kreu i listës së Dibrës, deputetja e ardhshme e Matit, Dhurata Çupi, siç janë gjeneralë, përfaqësuesja e denjë e rinisë së Matit, Denisa Vata.
Na pret punë e madhe. Frikën e kemi vrarë, por duhet ta vrasim në çdo skutë. Shpresën e kemi ndezur, por duhet ta ndezim dhe më fort.”, u shpreh ndër të tjera Basha.
(XH.A/SHUPLAKA)
Discussion about this post