‘Ne të gjithë e dimë…’/ Shtëpia e Bardhë beson se Prigozhin u vra nga Kremlini

Prigozhin besohet të jetë vrarë në një aksident avioni në Moskë javën e kaluar.

Shtëpia e Bardhë la të kuptohet të martën se Kremlini kishte vrarë liderin mercenar të Wagner, Yevgeny Prigozhin, i cili besohej të ishte vrarë në një aksident misterioz avioni në Moskë javën e kaluar.

“Ne të gjithë e dimë se Kremlini ka një histori të gjatë të vrasjes së kundërshtarëve…”, tha zëdhënësja e Shtëpisë së Bardhë Karin Jean-Pierre.

Fotot dhe videot e para të varrit të kryekomandantit të grupit Wagner u publikuan nga kanali SHOT në Telegram.  Pranë varrit nuk mund të dallohen njerëz.

Varrimi i kreut rus të organizatës mercenare Wagner u mbajt në fshehtësi të plotë në një rreth të mbyllur , në një varrezë në periferi të qytetit të tij, Shën Petersburg, pranë babait të tij, raportojnë mediat ruse dhe ukrainase.

Të martën, Moska njoftoi se Putin nuk ka në plan të marrë pjesë në funeralin e shefit të  Wagner.

Burimi: AMPE