Në Tiranë zbarkojnë makinat luksoze, Rama i lumtur po qytetarët do vuajnë paralizimin e trafikut

Duket se Tirana do të paralizohet sot përsa i përket qarkullimit pasi prej orës 17:00 Sheshi Nënë Tereza do të jetë i bllokuar.

Shkak për këtë është bërë mbërritja në Tiranë e një karvani makinash luksoze të quajtura GUMBALL 3000. Lajmin e ka ndarë me ndjekësit dhe kryeministri Rama ku shprehet mjaft i lumtur.

Sipas tij kjo do të ndihmojë në promovimin e Shqipërisë Turistike.

“ALBANIA SUPERSTAR NIGHT, Pas shumë përpjekjesh të finalizuara vitin e shkuar, për promovimin e Shqipërisë Turistike, karvani i famshëm i supermakinave GUMBALL 3000, nga Riga në Mykonos 2017, kalon nëpër Shqipëri dhe ndalon sot në kryeqytetin tone. 

Prej orës 17:00 në sheshin Nënë Tereza, nis festa në pritje të karvanit. 150 supermakinat luksoze të drejtuara nga persona VIP të artit, muzikës, biznesit, pritet të mbërrijnë në orën 19:00 e do të qëndrojnë deri nesër paradite. DJ me famë botërore Afrojack është pjesë e karvanit dhe pritet të ketë një performancë surprizë në mesnatë”, shkruan Rama.

(E.K/SHUPLAKA)