Kantautori shqiptar Ermal Meta u renditi i treti në natën finale të Sanremos. Kënga e tij ‘’E ndaluar të vdesësh’’ është një këng hit për jetën.
Duhet thënë se deri në momentet e fundit këngëtari shqiptar është parë një nga pretendentët kryesor për fitimin e çmimit të parë në festivalin Italian.
Kujtojmë se edhe në natën e tretë Meta rezultoi fitues përsa i përket kategorisë së coverit më të mirë të risjellë në skenën e festivalit.
Ndërkohë që këngëtari shqiptar ka fituar edhe çmimin e kritikës në këtë edicion.
Ermal Meta, një djalë i lindur në Fier në vitin 1981 si shumë shqiptarë të tjerë ka shkuar në vendin fqinj, në Bari, tek ishte vetëm 13 vjeç. Është formuar në Itali, ka shkruar muzikë për artistët më në zë të këtij vendi dhe natyrisht ka një jetë si autor tejet të pasur.
Çmimin e parë në Sanremo e fitoi Francesco Gabbani me këngën e tij «Occidentali’s Karma», një këngë duhet thënë shumë larg shtrirjes vokale të ”E ndaluar të vdesësh”. Çmimi i dytë shkoi për Fiorella Mannoia. (E.K/SHUPLAKA)
