“Në vend të japë llogari i kërkon kujt të mundet: PD-së, LSI-së, Blushit, gjykatësve e madje edhe drejtorëve të vet!”

Kryeministri Rama pavarësisht se ka katër vite nën drejtimin e qeverisë, këtë fushatë ka zgjedhur ta bëjë në sulm dhe jo në mbrojtje. Gjë që nuk ka kaluar pa marrë vëmendjen as të ish-ministrit Ylli Manjani.

Ai thotë se Rama në vend që të japë llogari para shqiptarëve e shet përgjegjësinë ku të mundet.

‘’Por, në vend të japë llogari, kërkon llogari! I kërkon llogari kujt mundet: PD, LSI, Blushit, gjykatësve e madje edhe drejtorëve të vet!’’, shkruan ndër të tjera Manjani.

Sipas tij vendi ku duhet të kërkojë llogari kryeministri qoftë edhe ndaj ministrave që nuk kanë punuar mirë është zyra dhe jo fushata.

POSTIMI I MANJANIT:

Paradoks.

Ky ishte (është ende) momenti që Kryeministri të jepte llogari për çfarë bëri apo nuk bëri!

Duhet të jepte llogari për çfarë bëri keq dhe të meritonte lavde për çfarë bëri mirë.

Por, në vend të japë llogari, kërkon llogari! I kërkon llogari kujt mundet: PD, LSI, Blushit, gjykatësve e madje edhe drejtorëve të vet!

Vetëm llogari nuk jep! Kërkon!

Kulmi është që opinioni e media e ndjekin në këtë marrëzi!

Hej, dikush ti kërkojë llogari këtij! Ai ka barrën të tregojë: ç’nuk bëri e ç’bëri keq. Pastaj ti jepet mundësia të kërkojë vota, por jo llogari të tjerëve!

Kryeministri kërkon llogari në zyrë e jo në fushatë! (E.K/SHUPLAKA)