Vlora ka shënuar plot 110 raste të reja për sa i përket covid 19 në 24 orët e fundit, duke iu referuar të dhënave zyrtare të bëra me dije pasditen e djeshme nga Ministria e Shëndësisë. Shifrat të larta,por në anën tjetër asnjë masë e marrë ndaj bizneseve të këtij qyteti, që sipas gazetares së Fax News Afrovita Hysaj, në shumë raste mbyllin sytë përballë masave që shkelen.
Në mesin e të infektuave është edhe Drejtoresha e arsimit në Vlorë, Alma Bakiu e cila u konfirmua pozitive me covid19 në tamponët e marrë.
Aktualisht në këtë qytet po përdoret vetëm testi PCR për shkak se nuk ka më teste të shpejta. Testi i zakonshëm vonon në përgjigje për disa ditë, gjë që rrit rrezikun e infektimit apo avancimin e tij.
Në 110 rastet e fundit, mosha më e re është 15 vjeç, ndërsa mosha më e madhe 100 vjeçe. Mosha e mesme dhe e tretë ka rastet më të shumta,por nuk përjashtohen të rinjtë. Më problem mbetet pjesa e qytetit, më pas zonat rurale apo fshatrat, ku duket se dhe numri i kontakteve është më i ulët.
(E.K/Faxweb.al)
Discussion about this post