Vetëm 24 orë kanë mbetur nga përfundimi i afatit të dorëzimit të listave të Partisë Demokratike në KQZ. Mirëpo “Shuplaka” mëson se në radhët e kësaj partie politike gjatë ditës së sotme janë shfaqur mjaft tensione.
Kryetari i Partisë Demokratike Lulzim Basha ka zhvilluar disa takime gjatë ditës së sotme me aleatët e tij, mirëpo burime të sigurta brenda PD-së na informojnë se deri më tani Basha ka arritur të ketë një marrëveshje vetëm me Dashamir Shehin dhe Nard Ndokën.
Ndërsa me krerët e partive të tjera opozitare si Fatmir Mediu, Agron duka, Vangjel Dule dhe Kreshnik Spahiu, akoma nuk ka patur një dakortësi mes palëve.
Kreu i PD-së Lulzim Basha u pati premtuar krerëve të partive të vogla opozitare, që t’i përfshinte në listat e partisë së tij, mirëpo mesa duket jashtë liste mbeten katër të lartpërmendurit. Megjithatë, edhe me Shehin dhe Ndokën, akoma nuk është arritur një marrëveshje lidhur me renditjen në listat e Tiranës dhe të Shkodrës.
Për më tepër, Shkodra ka mbetur peng si rezultat i kandimit të Ndokës pasi ka përplasje e mospëlqime midis krereve për këtë listë. (D.D/Shuplaka)
Discussion about this post