Grupi parlamentar CDU-CSU në bundestagun gjerman, grupi i kancelares Angela Merkel, që qeveris edhe Gjermaninë, ka reaguar lidhur me deklaratën e Bashkimit Europian për hapjen e negociatave me Shqipërinë.
Shqetësim për CDU-CSU është përparimi i ngadalshëm në drejtim të reformës në drejtësir, lufta kundër krimit të organizuar, trafikut të drogës. Sipas tyre, para se BE të hapë negociatat me Shqipërinë prodhimi i drogës dhe trafikut të saj duhet të frenohet në mënyrë të menjehershme.
“I rëndësishëm është sundimi i ligjit dhe funksionimi i mirë i parlamentit, qeverisë dhe administratës publike. Gjyqësori të jetë i pavarur nga ndikimet politike. Në listën e prioriteteve është reforma zgjedhore, depolitizimi i administratës, të drejtat e pronësisë dhe respektimi i të drejtave të njeriut” thuhet në deklaratën e CDU-CSU.
Ministrat e Jashtëm të vendeve anëtare të Bashkimit Europian ranë sot dakort me rekomandimin e Komisionit Europian për hapjen e bisedimeve me Shqipërinë.
