Negociatat dështuan sërish, Basha takim këtë mëngjes me ministren dhe ambasadorin suedez

Kryetari i Partisë Demokratike, Lulzim Basha, është duke zhvilluar një takim këtë paradite me ministren e Jashtme të Suedisë, Margot Wallstorm.

Në takimin që ka nisur prej orës 10:00 dhe është duke u mbajtur në ambientet e “Rogner”, është i pranishëm edhe ambasadori suedez H. E. Johan Ndisi.

Ky takim vjen pas dështimit për të dytën herë të negociatave me kryeministrin Rama, me qëllim dhënien fund krizës politike, që mendohet të jetë edhe tema e diskutimit me zyrtarët suedezë.

“Takimi i sotëm si i djeshmi”, ishte komenti i kryedemokratit pas dështimit të takimit të dytë me Ramën, thirrur nga presidenti Nishani.

Ditën e djeshme, një ditë pas tryezës së parë të bisedimeve, kryetari i PD-së thërriti në takim ambasadorët e Bashkimit Europian në vendin tonë, një takim që u zhvillua në selinë blu.

(XH.A/SHUPLAKA)