Negociatat/ Flet gazetarja e DW: Ja kur e merr Gjermania vendimin për Shqipërinë. Për refugjatët diskutohen 2 vende

Gazetarja e Deutsche Welle Lindita Arapi-Boltz thotë se Gjermania do ta marrë vendimin për hapjen ose jo të negociatave për Shqipërinë para datës 28-29 qershor.

Ajo tha se pavarësisht deklaratës së raportuesit për Shqipërinë Knut Fleckenstein se sinjalet janë të qarta nga Gjermania për një vendim pozitiv ende nuk është asgjë e sigurtë, duke shtuar se në Gjermani nuk i kushtohet shumë vëmendje çështjes së negociatave pasi qeveria e Merkelit është në rrezik nëse ministri i saj i nuk ndryshon qëndrim.

“Nuk ka vendim përfundimtar, pasi mendohej se vendimi do të merrej pas bisedimeve franko-gjermane, por në Gjermani ka një krizë qeveritare dhe nuk e ka mendjen askush tek ky problem.

Social demokratët janë pro, liberalët e refuzojnë, të gjelbërit janë pro. Nuk ka datë të caktuar, por në ditët e ardhshme patjetër do merret. Merkel e ka thënë se qëndrimi i qartë do të jetë para samitit që do të mbahet në 28-29 qershor.

Skepticizmi është se ka vende që janë kundër. Franca është kundër se mendon se duhet të refomohet BE-ja edhe Holanda është skeptike po ashtu dhe kjo i hap probleme Shqipërisë. Sipas Knut Fleckenstein po përgatitet dokumenti përfundimtar. Edhe nëse do të ketë kushte do të jenë këto që kanë qenë, që vetingu të vazhdojë… Mbetet që Këshilli i BE-së të vlerësojë këto zhvillime në Shqipëri.

Gjasat për shtyrjen mund të jenë pasi Merkel është në një krizë qeveritare nëse ministri i Brendshëm i saj vazhdon me idenë e tij. Kristian demokratët dhe Kristian socialët janë të rezervuar për shkak të luftës kundër drogës dhe kundër korrupsionit por mbase do të binden nga Merkel, por të shohim”, u shpreh gazetarja.

Në lidhje me diskutimet për ngritjen e kampit të refutgjatëve, gazetarja e DW deklaroi se Austria ka një plan, por theksoi se nuk ka diçka zyrtare pasi vetëm në media janë përmendur dy vende ku mund të ngrihen këto kampe: Shqipëria dhe Libia.

“Austria ka një plan, nëse do të jenë në Shqipëri nuk janë të konfirmuar. Mediat përmendin Shqipërinë dhe Libinë”, tha ajo. Ndër të tjera.

Inervista e plotë:

(B.H/Faxweb)