Kryeministri maqedonas Zoran Zaev në një deklaratë për mediat ka komentuar vendimin e Këshillit të Evropës që pritet të merret në 18 tetor në lidhje me çeljen e negociatave.
“Ne shpresojmë, nuk ka asnjë vend anëtare e BE-së që ka ndonjë vërejtjeje për ne, nuk ka arsye, problem është ky diskutimi i BE-së për nevojën e reformave që është shumë e rëndësishme andaj edhe pres që reformat mund të fillojnë në BE ndërsa procesi i zgjerimit të filloj me Republikën e Maqedonisë së Veriut, dhe me Shqipërinë, kjo është shumë e rëndësishme që të vazhdohet me impulsin e motivimit ndaj Ballkanit Perëndimorë. Alternativë për ne nuk ka, ne nuk mund të heqim dorë nga BE-ja sepse BE-ja është ardhmëria jonë. Sipas gjitha gjasave do të shkatërrohet qeveria në Republikën e Maqedonisë së Veriut, do të vijë dikush tjetër dhe do ta vazhdoj atë rrugë. Sepse ne pikërisht për anëtarësim në Bashkimin Evropian kemi ndërruar dhe emrin, kemi arritur Marrëveshje me Bullgarinë dhe Greqinë, kemi shënuar përparim në marrëdhëniet me Serbinë, me Shqipërinë, me Kosovën, që janë fqinjët tanë”, deklaroi për Tanjug, kryeministri Zoran Zaev.
Kryeministri Zaev i cili është nisur drejt Brukselit së bashku me kryeministrin Rama, fakt i cili u bë i ditur ne videomesazhin e këtij të fundit shprehet se po pret një informacion të ri nga takimi Merkel- Macron.
Dyshja më e pushtetshme e Evropës do të kenë një takim urgjent ditën e sotme pikërisht për çështjen e zgjerimit të BE-së.
Presidenti francez është kategorikisht kundër çeljes së negociatave apo çdo lloj diksutimipër zgjerimin e BE-së me shtete të reja para reformimit të BE-së.
Ndërkohë kancelarja gjermane Merkel po lobon fuqishëm që unioni evropian të mos stopojë me procesin e integrimit të vendeve të Ballkanit Perëndimor, me arsyetimin që këtyre vendeve u është premtuar nisja e bisedimeve për anëtarësim pas plotësimit të disa kushteve të vendosura prej vitesh dhe mundësisë së destabilizimit të rajonit nga ndërhyrja e Kinës, Rusisë dhe Turqisë.
Discussion about this post