Gazeta e përditshme greke dokumente.gr shkruan se Shqipëria dhe Greqia janë drejt finalizimit të një marrëveshje përsa i përket heqjes së ligjit të luftës si dhe të ashtuquajturës marrëveshja e detit. Në shkrim thuhet se pritet që pala shiptare të njohë përfundimisht të drejtat e pakicës greke në territorin shqiptar, por në të njëjtën kohë është zgjidhur edhe çështja me varrezat e grekëve që shtrihen në territorin shqiptar.
Po kështu në shkrim thuhet se pritet që të arrihet edhe marrëveshja e ashtu quajtur e detit. Në shkrimin që i referohet burime diplomatike të shtetit grek thuhet se, pala helene do të përfitojë nga ajo shqiptarë një sipërfaqe prej 12 milje detare dhe tashmë kjo marrëveshje është në rrugën e duhur, raportohet në kronikën e përgatitur nga gazetari i Fax News, Ermal Vija.
E përditshmia greke ka cituar një burim diplamatik grek që është shprehur se,“ Në çdo marrëveshje diplomatike ka kompromise dhe konsensus për njëri-tjetrin, në të kundërt do të flasim për një situatë lufte. Vetëm në rastin e luftës ka një fitues dhe një humbës,”.
Me tej burimi diplomatik është shprehur për gazetën greke se në ditët në vijim do të nënshkruhet një marrëveshje dypalëshe me Shqipërinë. Pak ditë më parë Greqia nënshkroi marrëveshjen me Maqedoninë për ndryshimin e emrit dhe tashmë sipas pas mbylljes së marrëveshjes me Shqipërinë sytë janë këthyer drejt Turqisë.
https://www.youtube.com/watch?v=orhVZFgDGZI&feature=youtu.be
Discussion about this post