Dita e sotme pritet të sjellë në Tiranë dy nga përfaqësuesit e delegacionit të BE-së që do të tentojnë të zgjidhin krizën politike në vendin tonë.
Ishte fillimisht një takim Rama-Meta në ‘Tirana International’ 10 ditë më parë që doli me konkluzionet se ishte e nevojshmë një negociim ndërkombëtar për zgjidhjen e krizës.
Kreu i Kuvendit Meta kërkoi ndihmën e Partive Popullore Europiane. Dhe i caktuari i tyre është David McAlister. Po ndryshe nga ç’pritej së bashku me të do të vijë dhe eurokomisioneri Knut Fleckenstein.
Ata priten të mbërrijnë në mesditë në kryeqytet dhe axjenda e takimeve është përcaktuar se do të nisë me takimin që dy negociatorët do të zhvillojnë së pari me Ramën dhe Metën.
Takimi mes tyre është planifikuar të zhvillohet në orën 14:00 dhe veç kryeministrit së bashku me McAllister dhe Fleckenstein do të jetë edhe kryetari i LSI-së Meta.
Dy orë më pas një tjetër takim do të zhvillohet për negociata me kryetarin e PD-së, Lulzim Basha. Vetëm se në takim me të do të jetë McAllister dhe jo Knut Fleckenstein.
Përveç agjendës së takimeve nuk është përcaktuar asnjë draft për palët.
Burime të ‘Opinion.al’ bëjnë me dije se nuk ekziston asnjë dokument që mund t’i ofrohet palëve paraprakisht për shqyrtim gjatë takimit.
Përtej pritshmërive përfunidmi i bisedimeve mund të sjellë një marrëveshje mes palëve, pas më shumë se dy muaj protestë të opozitës dhe kërkesës së saj të panegociueshme për qeveri teknike.
I njëjtë dhe i pandryshueshëm mbetet edhe qëndrimi i Edi Ramës që nuk toleron mundësinë e një qeverie teknike që mund të çojë vendin në zgjedhje. (E.K/SHUPLAKA)
Discussion about this post