Kryeministrja e Britanisë, Theresa May dhe Presidenti i Komisionit Europian Jean-Claude Juncker kanë konfirmuar se nuk kanë arritur një marrëveshje mbi bisedimet të Brexit, përkundër sugjerimeve të mëparshme që të dy palët ishin afër marrëveshjes.
Por, reagimi i ashpër i Unionit të Irlandës së Veriut, DUP, se partia nuk do të pranonte asnjë rregullore që do të ndante politikisht apo ekonomikisht vendin nga pjesa tjetër e Mbretërisë së Bashkuar, duket se përmbysi gjithçka.
Juncker u tha gazetarëve se May është “një negociator i vështirë” dhe po “mbron Britaninë me gjithë energjinë që ka.”
Ne shton Juncker, jemi duke ngushtuar pozicionet tona “në sajë të Kryeministres britanike”
“Unë jam ende i bindur se mund të arrijmë marrëveshje para mbledhjes së këshillit E.U.”
Theresa May, që vizitoi Brukselin me qëllim arritjen e një ujdie në prag të samitit të 14-15 dhjetorit, tha se ishte shënuar progres i konsiderueshëm, por se mbeteshin dallime mbi një sërë çështjesh. Ajo shtoi se do të takoheshin sërish gjatë javës dhe shprehu besimin se do ta mbyllnin pozitivisht çështjen.(M.Q/Faxweb)
https://www.poundsterlinglive.com/gbp-live-today/8123-gbp-to-eur-and-usd-conversion-may-juncker-meeting
Discussion about this post