Një 24 – vjeçare është liruar nga Gjykata e Apelit në Milano pas akuzimit se mbyti vajzën e sapolindur.
“Foshnja nuk kishte vdekur prej mbytjes”, tha avokati i 24–vjeçares dhe burrit të saj, Antonio Battaglia “por ishte e lindur e vdekur.”
“Kjo u provua nga ekspertiza mjeko-ligjore, sepse nëna ka patur gjatë shtatzënisë një problem patologjik, duke shkaktuar shkëputjen e plançentes para lindjes,” shtoi avokati.
Ngjarja në fjalë ka ndodhur në 25 Prill të 2014-ës në Busto Arsizio, vend në të cilin çifti banonte atëherë.
Ata kanë lajmëruar instancat përkatëse pas asaj që fillimisht u mendua si abort i pavetëdijshëm.
Më vonë, prokuroria akuzoi çiftin se kishin mbytur foshnjen.
Avokati mbrojtës, Antonio Battaglia u shpreh se Gjykata e Apelit ka vendosur të drejtën për një grua që është e tronditur akoma për humbjen e foshnjes së saj.
(E.K/SHUPLAKA)
