Pas deputetit të PS-së, Artan Gaçi, reagon edhe deputeti i PDIU-së, Aqif Rakipi, lidhur me lajmin që Prokuroria ka nisur hetimet ndaj tij në kuadër të ligjit për dekriminalizimin.
“S’di të kem bërë asgjë, Prokuroria t’i bëjë verifikimet. Prokuroria le të dalë në konkluzion po të ketë gjë. Kanë kaq kohë me ketë punë, po të kishin gjë e kishin dhënë. Unë nuk kam asgjë për të fshehur”, është shprehur Rakipi.
Në listën e Prokurorisë bëjnë pjesë nëntë funksionarë të lartë, deputetë dhe kryebashkiakë. (D.D/Shuplaka)
