Angela Martini nuk na është shfaqur më parë me nënën e saj. Modelja e famshme nga Shtetet e Bashkuara të Amerikës na ka prezantuar nënën e saj në një mënyrë shumë të veçantë, me anë të një fotoje pranë Kryeministrit Edi Rama. Kjo foto është shkrepur gjatë Samitit të Parë të Diasporës që u organizua në fund të vitit që lamë pas, në Tiranë. Nëna e Angela Martinit, Nexhmije Nusbaumer Ibrahimi është një shkodrane, mësuese që jeton në Zvicër.
“Nëna ime në Samitin e Parë të Diasporës Shqiptare të organizuar në Tiranë nga Kryeministri i Shqipërisë, z.Edi Rama”, ishte mbishkrimi i modeles Angela Martini sipër fotos së nënës së saj afër Edi Ramës të postuar në Instagram. Në këtë samit ajo ka takuar edhe Kryetarin e Bashkisë Erion Veliajn.
Nexhmija jeton në Zyrih të Zvicrës, ku punon si mësuese e Gjermanishtes për shqiptarët në projektin “Drita”. Ajo është vlerësuar me shumë çmime si mësimdhënësja më e mirë shqiptare në Zyrih, dhe për këtë e njohin shumë shqiptarët e Diasporës. Ajo njhet si një grua e rrallë dhe. Përsa u takon bindjeve politike, të tjerë komentues në profilin në facebook të modeles, e pyesin Angelën me habi: “Edhe nëna jote qenka majtiste?!”. Ndërkohë Nexhmija ka vizituar të bijën në Amerikë, tani që ajo është lidhur me multimiliarderin rumun, Dragos Savulescu. Historia e saj me producentin e filmave u bë publike gjatë qëndrimit të tyre në Festivalin prestigjioz të Filmit në Kanë, shkruan një portal online. (J.V/Shuplaka)
