Nëna e Cristiano Ronaldos ka reaguar për thashethemet që qarkullojnë në faqet rozë se marrëdhëniet e saj me partneren e djalit, Georgina Rodriguez nuk janë të mira. Spekulimet nisën pasi nuk kanë asnjë fotografi me njëra-tjetrën në Instagram.
Madje Dolores Aveiro nuk e ndjek modelen në rrjetin social. Por nëna e yllit të futbollit zgjodhi të reagonte publikisht duke thënë: “Ndjekësit e mi të dashur, nëse unë nuk ndjek dikë me të cilin kam lidhje shumë të afërt, mund të jetë e çuditshme dhe pa asnjë tendencë. Siç e dini unë përdor vetëm Instagramin sipërfaqësisht dhe nuk i kuptoj të gjitha këto me të vërtetë.”
Duke folur për Georginën, Dolores tha: “Nëse unë nuk ndjek partneren e djalit tim dhe njerëz të tjerë, është thjesht rastësi. Unë duhet të kem shtypur një buton pa kuptuar. Mos krijoni më histori pasi nuk ka asnjë pèrplasje”.(A.M/Faxweb.al)
