Nëna me fëmijë në krahë që qan dhe bërtet para policëve, kjo është video e trishtë që vjen nga protesta e banorëve në Shkozë.
Të prerë në besë nga ana e qeverisë që iu premtoi se do u jepte kohë disa ditë deri në gjetjen e marrëveshjes, protesta është arma e tyre e fundit. Përballë armëve të vërteta me të cilat janë mbuluar deri në gryke policët që janë vendosur në zonë.
‘’Na trajtoni si kriminela, ne jemi në shtëpinë tonë, pa armë pa asgjë, hiqi ato syzet hiqi se është turp të mos më shohësh në dritë të syrit. Si nuk iu vjen turp, si nuk u jepni përgjigje këtyre njerëzve, si na nxirrni nga shtëpitë, po na merrni shpirtin tonë”, proteston mes dhimbjes nëna e re.
Kujtojmë se mëngjesin e sotëm banorët e Shkozës, 153 familje janë gjetur të surprizuar nga prania e forcave të shumta policore në zonë.
Policë të armatosur deri në grykë, ndërsa një pjesë e familjarëve janë ngujuar në banesat e tyre. Shumë shprehen të frikësuar, ndërsa qeveria bën lëvizjen e rradhës.
Për situatën në fjalë ka reaguar dhe ish-kryeministri Sali Berisha. Ai u bën thirrje të gjitha mediave që të mos bllokojnë lajmet dhe të qëndrojnë në anën e viktimave.
(E.K/SHUPLAKA)
