Sociale nga Shkelzen Henkoja
Edhe pse jemi në vitin 2025, në Shqipëri ende ka familje që jetojnë pa energji elektrike. Brunilda Sina, nënë e një vajze 10-vjeçare e diagnostikuar me epilepsi, jeton në kushte të vështira në qytetin e Rrogozhinës. Para dhjetë vitesh, banesa e tyre u shemb dhe që atëherë janë strehuar në një ndërtesë të vjetër, e cila është e rrethuar nga lagështira.
Situata është tejet e rënduar: prej një dekade në këtë banesë mungon energjia elektrike. Në mbrëmje, nënë e bijë përballen me errësirën dhe ndjesinë e pasigurisë, duke përdorur vetëm një elektrik që e karikojnë te fqinjët. Mungesa e ujit është një tjetër sfidë. Të vetmin ujë që kanë mundësi të përdorin e mbushin nga një lavazh që ndodhet rreth 10 minuta larg shtëpisë.
