Amerikanja e cila akuzohet për keqtrajtimin e dy fëmijëve të saj 17 dhe 14 vjeç, të cilët për një javë u zhdukën nga shtëpia, ndodhet në burg pas vendimit të Gjykatës së Tiranës.
Dy djemtë Tadgh Bailey Kay dhe Tavish Bailey Kay ikën nga banesa dhe u gjetën gjashtë ditë më pas në zonën e Selitës. Pasi u gjetën nga policia, ata treguan se nëna e tyre 47-vjeçare Andrea Grace Bailey-Kay i dhunonte.
Mirëpo në Gjykatë nëna e 8 fëmijëve i ka mohuar akuzat se ka dhunur fëmijët e birësuar.
“Nuk i kam dhunuar, i dua fëmijët. Ju lutem më lini të kthehem në shtëpi. Dy djemtë i kam birësuar pasi nëna e vërtetë e tyre kishte probleme me drogën”, janë fjalët e saj, mirëpo Gjykata vendosi të kundërtën.
Djemtë e mitur kanë rrëfyer për hetuesit e çështjes në prani të psikologut se nëna i rrihte vazhdimisht.
“Na qëllonte gjithmonë, edhe kur nuk kishim bërë asnjë veprim. Nëna na godiste me rrip”, kanë rrëfyer ata për oficerët gjyqësorë”., janë shprehur ata. Pas kësaj dëshmie, Gjykata ka nxjerrë edhe një urdhër mbojtjeje për djemtë e mitur. (D.D/Shuplaka)
