Video e një nënë nga Kika po bëhet së fundmi virale në rrjet. Ajo shihet të ketë humbur durimin teksa vjaza e saj 3 vjeçare nuk po pozonte siçduhet. E pikërisht për këtë nëna e ka qëlluar vogëlushen me shkelm.
Sipas “The Sun”, 3-vjeçarja e njohur si Niu Niu kishte punuar gjatë gjithë ditës për të reklamuar veshjet e fëmijëve, por e ëma e vogëlushes nuk ishte e kënaqur me performancën e saj.
Pasi video u bë virale, e ëma ka kërkuar ndjesë publikisht për veprimin e rëndë, gjithsesi kjo nuk i ka ndaluar njerëzit të nisin peticion ligjor për t’i marrë asaj kujdestarinë e së bijës. Në statusin e saj, ka më shumë se 500 mijë komente, ku shumica prej tyre e akuzojnë se është një abuzuese që dëshiron të jetojë në kurriz të vajzës.
Raportohet se vogëlushja punon prej rreth një viti si reklamuese e veshjeve për fëmijët e vegjël dhe tashmë është tepër e njohur nga dyqanet e shitjeve online, si dhe një yll i mediave sociale.
Në Kinë, fëmijët mund të fitojnë 9-17 paund për çdo veshje që reklamojnë. Zakonisht, atyre u kërkohet që të përfundojnë një xhirim brenda 4 minutash ose 15 xhirime në një orë.
https://www.dailymail.co.uk/news/article-6906737/Mother-brutally-kicks-child-model-daughter-child-failed-pose-properly-shoot.html#v-2637167775096262622
