“Nënat po bërtisinin”, vriten dhe digjen të gjallë në makinë 9 gra dhe fëmijë, anëtarë të së njëjtës familje

Nëntë anëtarë të një familje Mormoni janë vrarë dhe djegur në anën meksikane të kufirit SHBA-Meksikë.

Viktimat e të vrarëve përfshijnë tre gra, katër fëmijë të vegjël dhe dy foshnje, tha anëtari i familjes Alex LeBaron nga Meksika. Ai tha se të nëntë ishin qytetarë me pasaporta meksikanë-amerikanë.

Viktimat u “qëlluan të gjithë ndërsa ishin në automjetet që po drejtonin”, tha LeBaron për CNN.

Hetuesit besojnë se tre automjete që udhëtonin midis shteteve meksikane Sonora dhe Chihuahua u pritën nga grupet kriminale të hënën në mbrëmje.

“Gratë dhe fëmijët (midis 14 vjeç dhe 10 muaj) u masakruan, u dogjën të gjallë,” tha LeBaron. “Nënat po bërtisnin që të shtënat të ndalonin”.