Nëndrejtoresha e shkollës 9-vjeçare “Gjon Buzuku” në Tiranë, është paraqitur në Qendrën Spitalore Universitare “Nënë Tereza”, pasi kishte marrë mbidozë ilaçesh.
Shkak për këtë dyshohet të jetë bërë pezullimi i saj nga puna nga ana e Drejtorisë Arsimore Rajonale. Bashkë me të është shkarkuar edhe drejtoresha e shkollës, Anila Muka, pasi kishte paguar një mësues që ndodhet jashtë vendit.
Ndërsa orët e mësimit, mësohet se i zhvillonte nëndrejtoresha me inicialet D.S, e cila e ka cilësuar si të padrejtë vendimin e DAR për pezullimin e saj nga puna.
Pasi mori trajtimin mjekësor, D.S u kthye në shtëpi, pasi ndodhet jashtë rrezikut.
REAGON DAR: ENDE NUK ESHTE SHKARKUAR, JA SHKELJET QE KA BERE
I menjëhershëm ka qenë reagimi i Drejtorisë Arsimore Rajonale të Tiranës.
“Nëndrejtoresha ka bërë grafikun e orëve, pasi 22 orët që duhet t’i bënte mesuesi i larguar i bënin mësuesit e tjerë. Nëndrejtoresha ka shkelur ligjin, pasi nuk ka raportuar mungesën e punonjësit në detyrë. Ende nuk është shkarkuar. Të hënën merret vendimi për drejtoreshën dhe nëndrejtoreshën”, thuhet në reagimin e DAR Tiranë. (E.K/SHUPLAKA)
Discussion about this post