Që prej mëngjesit të sotëm qyteti i Vlorës është tronditur nga një ngjarje e rëndë. Nënë e bir, përkatësisht Olsi Hoxhallari (46 vjeç) dhe Salie Hoxhallari (73-vjeç) u gjetën të shkrumbuar nga flakët në banesën e tyre. Fillimisht u raportua si një zjarr i shkaktuar nga gazi në dhomën ku ishin dy viktimat por lindën dyshimet e para se e gjithë kjo ngjarje mund të jetë edhe një vrasje.
“Fax News” ka raportuar hap pas hapi ngjarjen e rëndë dhe pas marrjes së trupave nga vendi i ngjarjes u vu re se gruaja kishte shenja në fyt, pra mund të jetë mbytur dhe djali i saj 46-vjeçar kishte çarje në pjesën e kokës. Me këto shenja policia hodhi dyshimet e para se fillimisht viktimat mund të jenë vrarë dhe më pas i është vënë zjarri dhomës kur ata jetonin.
“Fax News” është informuar se 73-vjecarja nuk ka vdekur nga djegiet pasi shenja djegie ka vetem pak në dorë dhe në këmbë. Mësohet se e moshuara ka vetëm dy pulla diegie, një në dorë dhe një një këmbë. Zjarri nuk ka ndodhur nga rjedhja e gazit, bombula ka shpërthyer pasi zjarri ishte përhapur në dhomë. Qendra e zjarrit ka qenë krevati i 46-vjeçari i cili bashkë me të janë shkrumbuar.
Një detaj që nuk duhet lënë mënjanë është se djali dhe gruaja e 46-vjeçarit ndodheshin në shtëpi por në një dhomë tjetër të banesës së tyre. Olsi dhe Salia, ndodheshin në dhomë duke parë televizor e duke u ngrohur në sobën e drurit, ndërsa nusja e Olsit ishte larguar rreth ores 22:00 të natës së djeshme në dhomën tjetër për të fjetur bashke me djalin. Komshinjtë ishin ata të cilët lajmëruan zjarrfikësit pas flakëve që panë në orët e para të mëngjesit të sotëm. Zjarrfikësit nuk mundën të nxirrnin gjallë dy viktimat pasi flakët ishin përhapur me një shpejtësi të madhe.
Pak minuta më parë policia mbërriti në vendngjarje dhe shoqëroi në polici kunatën e 47-vjeçarit si edhe dy vajzat e saj të mitura. Po kështu për të dhënë dëshminë e saj në polici shkoi edhe gruaja e të ndjerit si edhe disa komshinj të viktimave.
Olsi Hoxhallari jetonte me nënën e tij Salie Hoxhallari, gruan dhe djalin e tij. Ata ishin me origjinë nga Maliqi por kishin 15 vite që jetonin në qytetin e Vlorës. Olsi Hoxhallari punonte në Greqi dhe kthehej shpesh për të takuar familjen e tij në Vlorë.
Pistat ku po heton policia janë : konflikt ne familje ose konflikt i mbartur nga shteti ku Hoxhallari punonte. Dyshohet se janë të afërm ose komshinj ata që kryen këtë krim të rëndë. Policia dhe organet kopetente janë duke hetuar ngjarjen e rëndë.
DETAJE:
Lidhur me informacionin paraprak ku në lagjen ”1 Maji”, në një banesë u gjetën të pa jetë e të djegur dy shtetas, bëjmë me dije se: Në vijim të veprimeve hetimore si dhe të ekspertizës mjeko-ligjore, nga kqyrja e dy trupave ka rezultuar se trupat e shtetasve S.H., dhe O.H., kanë dëmtime fizike. Policia po vijon hetimet për zbardhjen e rrethanave dhe dokumentimin e plotë të kësaj ngjarje. (J.V/Faxweb)
