Moderatorja dhe gazetarja e njohur Ilva Tare është bërë ditën e djeshme nënë për herë të dytë. Ndërsa sot ajo ka publikuar foton e parë të djalit, pagëzuar me emrin Thomas, një zgjedhje kjo e të atit Eduard Selami.
I vogli është në gjumë mesa duket, ndërsa e ëma nuk i ka shpëtuar këtij momenti për të shkrepur foton.
“Thomas, bekimi më i ri i familjes”, shkruan vetë ajo krahas fotos.
Lindja e moderatores ishte në maternitetin ‘’Koço Glozheni”. Kjo ka qenë mjaft e veçantë pasi një natë moderatorja ishte në krye të festimeve të 10-vjetorit të televizionit ‘’Ora Neës”. Mesa duket shumë emocione në një ditë për të.
Sigurisht për të voglin nuk kanë munguar as dhuratat e para nga miq të familjes. Vajza e Tares dhe Selamit, Melody, do të jetë dhe ajo që duhet të jetë më e gëzuara, është bërë me një shok.
Pas publikimit të fotos nga ana e Ilvës kanë vërshuar urimet në drejtim të familjes dhe anëtarit më të ri.
(E.K/SHUPLAKA)
