Pas debatit midis drejtorit të Teatrit Kombëtar, Hervin Çulit dhe aktorit të madh Robert Ndrenika, një tjetër personazh i njohur i del në mbrojtje këtij të fundit. Por ky personazh vjen nga politika.
Bëhet fjalë për nënkryetarin e LRI-së Klevi Pojana, i cili shprehet ashpër ndaj Çulit duke i thënë se teatrot janë kthyer në kioska, për shkak se drejtohen nga mediokër.
“Kur hidhja kto rrjeshta nga zemra në një letër kisha fituar bindjen se teatrot ishin krijuar enkas për njerëz të ‘magjishëm’ si ti #RobertNdrenika! Sot teatrot janë kthyer në kioska, jo se nuk ka talente por sepse i drejtojnë disa mediokër! Robert Ndrenika është pasuri kombëtare, çapaÇulëve tu vij zor kur ti përmendin emrin!”, shkruan Pojana.
Pak orë më parë, Ndrenika dhe Çuli debatuan ashpër për protestën e opozitës. Ky i fundit iu drejtua aktorit në një koment në Facebook me fjalët: “Qëkur niveli yt ikonë zbriti këtu ku je…”.
Pak orë më parë kundër Çulit reagoi ashpër edhe aktori i njohur i humorit Julian Deda, i cili njëlloj si Pojana e cilësoi si turp sjelljen e drejtorit të Teatrit Kombëtar.
Gjithçka nisi për një postim të këtij të fundit, i cili shprehet ashpër kundër një aktori nga Fushë Kruja, i cili flet në protestën e sotme të opozitës.
“I pari në protest foli një aktor (kështu u prezantua nga Fushë Kruja). Nëse e njeh njeri të më japë ndonjë koordinatë se gjynah i shkreti duhet sqaruar, pasi shumë gjëra për teatrin (shante para mbrapa) deri në Fushë Krujë mund edhe të mos kenë mbërritur. Ta marrë djalli, edhe këtë aktorin nga Fushë Kruja kishim mangut.”, ishin fjalët e Çulit, të cilat u bënë zanafillë për një debat akoma më të madh.(D.D/Shuplaka)
[ngg_images source=”galleries” container_ids=”1192″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
