Kryetari i Komisionit Qendror të Zgjedhjeve, Denar Biba, duket se mban një qëndrim të kundërt me opozitën sa i përket futjes së votimit dhe numërimit elektronik në zgjedhjet e 18 qershorit.
Ai është shprehur se teknologjia në zgjedhje është një projekt i mundur në botë, por jo në Shqipëri, për shkak se nevojitet kohë dhe pilotim.
“Në botë, teknologjia në zgjedhje është e mundur. Në Shqipëri do kohë dhe pilotim. Implementim pesë muaj përpara zgjedhjeve nuk di të ndodhë në ndonjë vend tjetër.”, është shprehur ndër të tjera Biba.
Ditën e sotme, në ambientet e KQZ, u nënshkrua Memorandumi i Mirëkuptimit ndërmjet Shoqatës Botërore të Organeve Zgjedhore (A ËEB) dhe Komisionit Qendror të Zgjedhjeve, mbi Projektin për ngritjen e kapaciteteve për Menaxhimin e Zgjedhjeve.
Zyrtarët e A-WEB do të ofrojnë asistencë teknike për KQZ lidhur me studimin e fizibilitetit të zbatimit të teknologjisë në zgjedhje, një projekt studimor i Komisionit Qendror të Zgjedhjeve, i cili në respektim të Rezolutës së Kuvendit, synon të prezantojë për faktorin politik dhe opinion publik, projekte studimore dhe informuese mbi përdorimin e teknologjisë në zgjedhje. (XH.A/SHUPLAKA)
Discussion about this post