Një konflikt i hapur edhe pse në rrjetet sociale është zhvilluar ndërmjet dy personazheve të njohur në vendin tonë. njëri biznesmen e tjetri gazetar dhe një nga përkrahësit e çështjes çame në Shqipëri.
Nikollaq Neranxi në një takim nmga Himara duket se ka provokuar Enkel Demin. Ndërkohë që akuzat dhe kundërakuzat kanë vijuar gjatë mes tyre.
‘’Enkel Demi, e kuptoj sëkëlldinë e madhe që të ka kapur për të patur patjetër një sherr me mua duke ma përmendur emrin në shumë shkrime, pa të cënuar kurre në asgjë, por e ke kot vëlla! Nuk hyn në shijet e mia për sherr. Himariotët po protestojnë sepse po grabiten. Natyrisht se si do protestojmë, nuk do të marrim leje ty! E di që dëshiron ti orientosh problematikat aty ku të intereson dhe mundësisht të gjesh armiq aty ku nuk ka, me qëllim që të nxisesh urrejtje dhe perccarje, por une dhe komuniteti nga ku e kam prejardhjen, kemi program tjeter nga ti. Prandaj sic thote dhe kryeministri yne, qente le te lehin, himariotet do ecin perpara dhe nuk do lene askend t’ju grabise pronat dhe t’ju tjetersoje historine!
Zoti te qetesofte shpirtin dhe te pastrofte gjakun e helmet or mik! Ndjej keqardhje per ty!’’, shkruan biznesmeni Neranxi.
Nuk ka munguar dhe përgjigja nga ana e Enkel Demit, i cili në mënyrë ironike ka dhënë dhe përgjigjen e tij për gjakun e helmuar që citonte Neranxi.
‘’Zoti Nikollaq Neranxi prej kohësh jam myshteri i shitoreve tuaja, sepse si njeri i dhënë pas gatimit, nuk mund të bëj pa erëzat tuaja.
Por, së fundmi prej një shënimi tuajin në adresë time më lajmëroni që e kam gjakun të helmuar (uroj jo prej erëzave). Meqë qenkeni specialist i fushës dhe e keni bërë këtë ekzaminim kaq shqetësues, kur mund të vij ju lutem në laboratorin tuaj të bëj analizat e gjakut?’’, përgjigjet Enkel Demi. (E.K/SHUPLAKA)
