Mathew Palmer ka anuluar vizitën e tij në Beograd në Forumin e Sigurisë i cili zhvillohet nga 16 deri në 18 tetor, ndërsa nuk është bërë I ditur një arsyetim konkret nga ana e tij.
Ndërkohë që kjo vjen pas akumulimeve në mediat serbe se Richard Grenell, i dërguari i posaçëm i Presidentit të Shteteve të Bashkuara të Amerikës për bisedimet Kosovë-Serbi, pasi vizitoi javën e kaluar dy kryeqytetet e të dyja vendeve respektive, i kërkoi Beogradit zyrtar, të bëjë hapa para dhe të pranojnë realitetin se “Kosova është tashmë shtet i pavarur”.
Po ashtu në media u tha se Vuçiç kishte dalë I tensionuar nga takimi me Grenell, ku ndryshe nga sa zakonisht, kishte refuzuar të fliste edhe me pjestarët e ngushtë të stafit të tij.
Siç shkruajnë mediat afër presidentit të Serbisë, diplomati Granell ka artikuluar qartë dhe prerë kërkesën e SHBA duke i thënë shkurt Vuçiçit: “Prano Kosovën”. Kjo deklaratë e të dërguarit special për dialogun është konsideruar si e çuditshme dhe e papranueshme nga ana e Serbisë.
Megjithatë ky lajm është shpërndarë me shpejtësi në disa media serbe, por jo vetëm.
Anulimi i pjesmarrjes së Përfaqësuesit Special të Departamentit të Shtetit për Ballkanin Perëndimor, Matthew Palmer në Forumin e Sigurisë i cili zhvillohet në Beograd ngre pikëpyetje nëse kjo ka të bëjë me një klimë të tensionuar mes SHBA-ve dhe Vuçiçit.
Ishte planifikuar që Palmer të mbante një fjalim në hapjen zyrtare të Forumit të Sigurisë në Beograd të enjten 17 tetor me “Zgjidhje të Qëndrueshme për Ballkanin Perëndimor”.
Në hapje të forumit do të flasin diplomatja gjermane përgjegjëse për Ballkanin Perëndimor Suzanne Schitz, ish – shefja e politikës së jashtme të BE-së Catherine Ashton dhe ish ambasadori francez në Beograd, Frederic Mondoloni.
(F.GJ/FAXWEB.AL)
