Kandidati për kreun e PD-së Eduard Selami, i ftuar në emisionin “Fakt” të gazetarit Çim Peka, ka deklaruar se nëse Lulzim Basha fiton zgjedhjet e 22 korrikut, ai do ta njohë si kryetar legjitim të forcës së tij politike.
“Patjetër nëse Basha zgjidhet nëse nuk ka asnjë lloj shenje nga vëzhguesit e mi se procesi nuk është i deformuar, pavarësisht se nuk ka votën time, do të ketë mbështetjen time. Nëse fiton me zgjedhje të ndershme që unë mendoj, se nuk jam të përsosura, por unë mendoj që po.”, është shprehur Selami.
Sakaq, Selami i është përgjigjur edhe zërave të skeptikëve, se ai është future në garë për t’i legjitimuar garën dhe fitoren kreut aktual të PD-së, që ka ngrirë funksionet e tij.
“Kjo është absurde. Më vjen keq që them këtë gjë.”, është shprehur Selami. (D.D/Shuplaka)
