“Nëse gjykoni shaminë në plazh, gjykoni dhe nudizmin”. Kështu analizon Edmon Arizaj shaminë e grave myslymane edhe në plazh. Arizaj thekson se nuk ka një ligj që i ndalon njerëzit të vishen trashë dhe njerëzit janë të lirë të bëjnë ç’të duan derisa nuk shqetësojnë askënd.
Sipas tij edhe nudizmi është thjesht liri dhe nuk duhet të paragjykojmë asnjë. “Nese gjykoni shamine ne plazh, gjykoni dhe nudizmin. Na paskesh qene dikush, musliman dhe lahej ne det, nderkohe qe nusen dhe femijet me shami ne koke (ndoshta) i kishte futur ne nje si tende mos ti shihnin. Edhe per kete kishin reaguar disa kolege. Jo dhunim i te drejtave te njeriut, jo ai freskohet ato plasin ne vape etj. Nga e dini ju qe ato nuk hyjne me deshire ne tende, madje edhe mbulohen?! I pate qe i dhunoi familjari? Nga e dini qe atyre nuk u pelqen i nxehti? Po sikur te cohen ato e te thone nuk na pelqen qe ju laheni me breke? Sikur te thone, nuk na pelqen qe lini femijet ne diell sepse po beni krim pasi dielli shkakton kancer lekure. Ka ndonje ligj qe ndalon njerezit te vishen trashe ne vere?! Une nuk di. Po ndonje ligj qe i ndalon njerezit te mbulohen ne vere? A jane njerezit te lire te bejne cte duan derisa nuk shqetesojne askend, as nuk shkelin ligjet dhe rregullat morale te shoqerise? Po atehere? Ata kane kendveshtrim tjeter, ne kemi tjeter, disa te tjere kane tjeter. Pse duhet te nervozohemi? Emancipimi? Ndoshta ate qe ne e shohim si emancipim, “ata” (nuk dua te ndaj) e shohin si dekadence. A eshte nudizmi emancipim? Une do te thosha qe eshte thjesht liri. Atehere ti leme ne lirine e tyre edhe keta njerez. A jane te lumtura ato gra dhe vajza me kete jete? Pse duhet te paragjykojme pa i pyetur. Secili e jeton jeten si do vete.”, shkruan Arizaj.
Sjellim në vëmendje që vetë një ditë më parë Mentor Kika solli një histori ku shfaqej një çadër kampingu ku një grua myslymane e veshur me shami nuk lahej por qëndronte brenda saj ndërsa burri lahej në det.
“Eshtë e tmerrshme të mendosh që vajza të mitura i nënshtrohen këtij riti të dhunshëm, për tu bërë gra të “vetëdijshme” që vendi i tyre është nën carcaf dhe nën cadër. Një grua ka një mijë mënyra për ta treguar se është një myslimane e mirë, një grua e mirë, një nënë e mirë dhe një qytetare e mirë, dhe jo duke u mbuluar kokë e këmbë edhe në plazh”, u shpreh ndër të tjera dje Kikia. (J.V/Shuplaka)
