Edi Rama me ardhjen në qeveri në vitin 2013 vendosi një rregull të pazbatuar më parë, ministrat ishte e mira që të linin mandatin e deputetit. Shumica iu bindën këtij urdhëri, po ka edhe prercedentë që nuk e kanë lënë mandatin e ndeputetit edhe pse janë zgjedhur ministra.
Ndërkohë me lëvizjet e sotme tre deputetë të PS-së janë propozuar për të qenë ministrat e rinj: Olta Xhaçka, Fatmir Xhafaj dhe Eduart Shalsi.
Në rast se ata lënë mandatin e deputetit dy drejtorë do të jenë ndër pasuesit.
Në këtë rast, vendin e Fatmir Xhafajt që emërohet Ministër i Brendshëm, do ta zinte Bledar Doracaj, i cili aktualisht mban postin e Drejtorit të Gjendjes Civile.
Në vend të Olta Xhaçkës, që do të jetë Ministre e Çështjeve Sociale, në parlament do të vinte Ana Verushi, që aktualisht është kryetare e PS në rrethin e Korçës.
Mandatin e Eduard Shalsit që emërohet Ministër i Çështjeve Vendore do ta zinte Artan Lame, që mban postin e Drejtorit të Përgjithshëm të ALUIZNI –t.
Ogerta Manastirliu që zë vendin e Ilir Beqajt në Ministrinë e Shëndetësisë nuk është deputete.
Nuk dihet nëse Rama do ta aplikojë këtë rregull kur nga mandati i parlamentit kanë mbetur edhe 3 muaj.
Nga ministrat e deritanishëm vetëm Blendi Klosi, që zuri vendin e Erion Veliajt, nuk e kishte dorëzuar mandatin e deputetit. (E.K/SHUPLAKA)
