Kryetari i LIBRA-s, Ben Blushi, ka reaguar lidhur me zhvillimin më të fundit në vend, atë të letrës së PS-së dhe LSI-së drejtuar KQZ-së ku i kërkuan të shtyjë afatin e regjistrimit të koalicioneve.
Lidhur me këtë kërkesë dhe qëndrimin do të mbajë Komisioni Qendror i Zgjedhjeve, Blushi paralajmëron se reagimi i LIBRA-s do të jetë i menjëhershëm.
Konkretisht, nëse KQZ ndryshon afatin ligjor, partia e tij do i drejtohet Kolegjit Zgjedhor për ta kundërshtuar ligjerisht.
Reagimi i Ben Blushit:
LIBRA NË KOLEGJ, NËSE KQZ ÇMËNDET
Shpresoj që të mos ndodhë por nëse KQZ e ndryshon afatin ligjor të rregjistrimit të koalicioneve atëherë LIBRA do shkojë në Kolegjin Zgjedhor për ta kundërshtuar ligjërisht. Duhet mbrojtur ligji që të mbrohen zgjedhjet. Nëse dikush çmëndet e cojnë në spital, por nëse një institucion çmëndet duhet çuar në Gjykatë!
(XH.A/SHUPLAKA)
