Që nga nisja e protestës së opozitës te çadra në Bulevard i janë bashkuar jo pak njerëz të njohur, pedagogë apo aktorë. Në fakt shumë prej tyre e kanë quajtur një agorë të mendimit të lirë ku qytetarët mund të shprehen.
Po ja ç’mendojnë dy prej tyre: Talunda Jupi, aktore dhe pedagoge dhe shkrimtari Agron Tufa. Sipas tyre kjo duhet të jetë kauza e të gjithëve dhe nuk duhet të ndalen deri në arritjen e qëllimit të tyre.
Talunda Jupi, Aktore, pedagoge
Jemi ne ata që guxuan dhe shembën perandorinë e së keqes dhe do te jemi po ne që do të shkulim rrënjët e kësaj diktature të pisët që edhe pas më shumë se çerek shekulli kërkon të turpërojë atë liri që menduam se fituam me gjak e sakrifica, duke i frikësuar shqiptarët. Por ne nuk do të frikësohemi. Ne duhet t’i tregojmë të gjithëve se gjeja më e shenjtë e të gjitha epokave të njerëzimit ka qënë vota e lire, e cila na vesh dhe përfaqëson me dinjitetin e njeriut. Ata që duan arsye, aryseja gjendet tek vota e lirë, ajo na jep ne të drejtë të kushtëzojmë çdo gjë.
Kujtoj fjalët e një poeti të madh, “nëse nuk digjem unë, nëse nuk digjesh ti, nëse nuk digjemi të gjithë ne, tërë kjo errësirë si do të bëhet dritë?”
Agron Tufa, shkrimtar
Agora ka ndikuar edhe më skeptikët që nuk besonin në kauzën e opozitës shqiptare. Sot kauza e saj është kauza e të gjithëve sepse ka të bëjë me vlerat e demokracisë. Ne duhet të qëndrojmë deri në fund sepse lirinë nuk na e merr dot askush. (E.K/SHUPLAKA)
Discussion about this post