Pas postimit me titull “Shënimi i ditës”, ku kryeministri Edi Rama u shpreh kundër kreut të opozitës Lulzim basha për interpretimit që ky i fundit i bëri thirrjes së Departamentit Amerikan të Shtetit për të marrë pjesë në zgjedhjet e qershorit, një qytetar i ka përmendur Ramës aftësinë.
“KM i nderuar nese nuk je i afte te zgjidhesh situaten lerja ne dore metes mbase ai e zgjidh?”, i shkruan qytetari kryeministrit.
Ky i fundit ka reaguar menjëherë duke i thënë se kur gjërat i ka zgjidhur Kushtetuta nuk ka nevojë për zgjidhje.
“I nderuar Arber, gjerat qe i ka zgjidhur Kushtetuta, mbi bazen e parimeve te vjetra sa vete demokracia, nuk kane nevoje per zgjidhje sepse jane te zgjidhura. Një parti që sillet si i marri që kërcënon lagjen se do hidhet nga maja e pallatit, nuk është problem as i Kushtetutës, as i popullit, as i partive normale, po kërcënimi i vetvetes me vetëvrasje”, shkruan Rama.
Mirëpo qytetari nuk është ndalur me kaq duke i kujtuar kanabisin dhe i thotë që ta ulë krenarinë, pasi kjo është në të mirë të gjithë shqiptarëve.
“ I nderuar kryeminster i imi dhe i gjithe shqiptareve.ashtu eshte sic thoni ju ne baze te kushtetutes por problemi im dhe i popullit eshte cdo ndodhe me zgjedhje pa konkurente shteti nuk funksion ka minimalisht 6 muaj ekonomia per toke biznesmenet e huaj nuk investojne opozita mund te jete ashtu por cdo ndodhe me shtetin e paralizuar krime droge trafiqe laboratore veting jo e jo nese ju e ulni pak krenarine eshte ne te mire te shqiptareve.”, vazhdon qytetari. (D.D/Shuplaka)
