Kryeministri Edi Rama, doli në një deklaratë sot ku tha se janë 12 vendime të qeverisë për 8 kërkesat e studentëve, si arsim falës për ekselencën e ata në nevojë dhe bursa deri në 10 mijë lekë në muaj.
Të ftuar në studeion e televizionit “Fax News”, dy prej studentëve të grupit të rezistencës, të cilët vijojnë protestën e tyre para KRyeministrisë, Ervisa Shehu dhe Arlin Hoxha, u shprehën se nuk panë plotësim të kërkesave të tyre, pasi ajo për të cilën fliste Kryeministri, ishte një “Pakt për universitetin”.
“Unë nuk pashë asnjë plotësim të kërkesave tona, sepse siç e patë sot, protesta nisi me heshtje. Heshtja jonë ishte për të dëgjuar miratimin e 8 pikave që ne i kemi paraqitur z.Kryeministër. Ai e hap fjalinë e tij me këtë : ‘Pakti për Universitetin’. Ne nuk bëjmë pakt! Ia kemi thënë shumë herë, ne nuk bëjmë pakt”, tha Shehu.
Studentët në studio thanë se nuk këkrojnë luks, por kërkojnë arsim falas, pasi jemi një vend i varfër, nuk mund të kërkohet luks.
“Nuk kërkojmë luks, ne kërkojmë arsim falas, jemi një vend i varfër.
Kryeministri po përpiqet që tua hedhë fajin rektorëve, dekanëve e pedagogëve. Ne kërkojmë plotësimin e kërkesave tona, por nëse ai nuk mundet atëherë le t’i hapë rrugën dikujt tjetër që di ta bëjë punën më mirë se ai. Kryeministri nuk na plotësoi asnjë kërkesë”, – tha ajo.
Nga ana e tij Arlind Hoxha, paralajmëroi Ramën kur tha: “Për ta parë se sa të fortë që jemi, këtë do t’ia tregojmë Kryeministrit me 7 janar. Do të jetë protestë masive. Asnjë fakultet nuk do të hapet”.
Sipas studentëve, ligji i arsimit duhet të bjerë, ndërsa paralajmëruar për një tjetër surprizë që do të ndodhë ditën e nesërme.
(B.B/ Faxweb.al)
Discussion about this post