“Nëse opozita nuk shkon në zgjedhje, as Shqipëria nuk shkon në zgjedhje”

Kreu i Lëvizjes Zgjidhja Koço Kokëdhima, i ftuar në emisionin “Komiteti” të drejtuar nga gazetari Berat Buzhala që transmetohet në RTV Dukagjini, është shprehur kundër zhvillimit të zgjedhjeve më 18 qershor.

“Gjithë këmbëngulja që bën Rama për t’i zhvilluar zgjedhjet në 18 qershor. është një dëm shumë i madh që i bën jo vetëm vendit por edhe Partisë Socialiste.

Nëse opozita nuk shon në zgjidhje, Shqipëria nuk do të shkojë në zgjedhje në 18 qershor, kjo është bindja ime absolute. Dhe unë kurrë po të kisha një parti nuk do të shkoja kurrë në zgjedhje pa opozitën, kurrë. Ashtu sikurse nuk do ikja edhe po të mos merrte pjesë krahu tjetër. Prandaj për të zgjidhur krizën në Shqipëri duhet ti ikim klëtij lloji debati dhe duhet ti ikim kësaj qasjeje dhe dukhet të ulet, Edi Rama, duhet të ulet në tavolinë dhe të bie së pari dakort për Reformën Zgjedhore. Katër vjet ka qenë Edi Rama, dhe katër vjet janë të mjaftueshme. Për këtë çështje është e rëndeësishme është që votimi të jetë elektronik dhe votimi të jetë elektronik.

18 qershori nuk është aq i rëndësishëm, i rëndësishëm është procesi ivotimit. Votimi duhet të jetë i ndershëm, i drejtë, i pakontestueshëm, përfundimisht i pranueshëm si i pastër dhe të besohet si i tillë. Atëhere Shqipëria bën një hap të madh përpara drejt vendosjes së demokracisë, kur të mos preket asnjë votë, të mos manipulohet asnjë votë dhe kur të mos I shkojë mendja kurrë qeverisë të manipulojë vota, qoftë në mënyrat më vulgare të manipulimit dhe vjedhjes së votave.”, shprehet Kokëdhima.

Kokëdhima thotë se do t’i propozojë Edi Ramës që në listat e Partisë Socialiste të jenë kandidatë për deputetët edhe përfaqësues të propozuar nga lëvizja “Zgjidhja”.

Kokëdhima rrëfen se ka kërkuar edhe një takim me kryeministrin Edi Rama për të trajtuar këtë çështje, dhe situata të tjera të aktualitetit politik në vend.  Por ai shton më tej se ky takim u anulua si mundësi pas një interviste televizive që ai dha në një televizion lokal në Shqipëri, për shkak se siç ai ngre dyshime, Ramës nuk i kanë lënë “shije të mirë” deklaratat e bëra prej tij. (D.D/Shuplaka)