Në takimin e sotëm elektoral në njësinë numër 3 në Tiranë, kryeministri Edi Rama kujtoi marrëveshjen e arritur me kreun e opozitës Lulzim Basha. Sipas tij, pot ë mos ishte arritur ajo marrëveshje, Basha do ishte ende në çadër, por PS do siguronte 100 mandate për deputetë në parlament.
“Nëse unë do të doja më shumë pushtet për vete, Luli do ishte akoma në çadër e do kishte kërkuar madje leje nga lali Eri për të qëndruar atje me kostum banjo, sepse koha po nxehet dhe ne s’do ishim duke bërë fushatë por do merrnim 100 deputetë duke e marrë pushtetin të gjithin për vete.
Ne realizuam një marrëveshje. Për ne në rradhë të parë vjen Shqipëria, vumë interesin kombëtar mbi interesin vetjak për të marrë më shumë pushtet për vete. Nuk do ia lejonim vetes.
Nuk do dëshironim që për të marrë ne 100 e ca deputetë faturën ta merrte Shqipëria, sipërmarrja, qytetarët, mbi të gjitha shoqëria që do ndihej e përçarë. E pra ne sakrifikuam interesin e pushtetit për interesin e shtetit dhe për interesin e Shqipërisë.
Po bëjmë një fushatë ku ata që janë në opozitë jo vetëm mund të ankohen, por janë pjesë e qeverisë, por i kanë sytë dhe veshët brenda në qeveri për të garantuar se gara është garë dhe ne fitojmë ashtu siç neve na takon.
Duke thënë kështu: Ne ju kemi dhënë një provë, që edhe Saliu e di. Ky vend mund të bëhet dhe vetëm ne mund ta bëjmë Shqipërinë shtet.
Që ne të mos i kemi duart e lidhura për asgjë, por me të dyja duart punojmë –për ju, për njerëzit, na duhen votat e një shumice që timonin ne ta kemi vetë dhe të mos kemi të tjerë në prehër, me një dorë në timon. Që do të thotë, për të ecur drejt, shpejt dhe atje ku është aspirate e hershme shqiptare për t’u bërë pjesë e familjes europiane, nuk mund të bëhet nëse nuk e kemi përgjegjësinë vetë.”, tha kryeministri Rama. (D.D/Shuplaka)
Discussion about this post