Parku i Liqenit të Kasharit i është nënshtruar veçse pastrimit dhe mirëmbajtjes së liqenit, edhe rehabilitimit. Pjesë e aksionit u bë edhe kryetari i Bashkisë së Tiranës, Erion Veliaj, i cili ftoi qytetarët t’i bashkohen aksionit të nesërm për pastrimin e Tiranës në një ditë.
“Është e rëndësishme të kuptojmë se pastrimi nuk është monopol i bashkisë. Të gjithë duhet të kontribuojmë për ta mbajtur qytetin pastër. Kjo është arsyeja pse nesër ftojmë të gjithë qytetarët për një aksion të madh pastrimi, për të treguar se jemi popull dinjitoz, që nuk e harrojmë higjienën tonë dhe që kemi kuptuar se ky nuk mund të jetë vetëm një objekt pune i bashkisë dhe i punëtorëve të bashkisë”, u shpreh Veliaj.
Në fjalën e tij, ai shtoi se përveç punës së përditshme të kompanisë publike “Eco Tirana”, është e domosdoshme edhe kontributi i çdo qytetari, që jo vetëm të mos ndosin ambientin e përbashkët, por edhe të angazhohet në aksione të tilla:
“Po bëjmë maksimumin për një Tiranë të pastër. Tirana sot është shumë herë më e pastër, por kur vjen puna poshtë pallateve, te shkallët, nuk ndot as bashkia as ndonjë forcë tjetër madhore, por janë vetë banorët të cilët mund të ndihmojnë që ta mbajmë pastër.
(XH.A/SHUPLAKA)
Discussion about this post