Gazetari i kronikës, Sokol Dema ishte i ftuar në studion e lajmeve të Fax News ku foli për perdhiudhën në prag të zgjedhjeve, masat e marra nga policia, forcat e shtuara të sigurisë po ashtu në ambasadat e huaja të akredituara në Tiranë.
Sa i përket kësaj të fundit Dema tha se sidomos gjatë ditës së sotme, janë vënë re shtimi i trupave ruajtëse pranë godinave të ambasadave
Lidhur me ngjarjet në Dibër, ku ka pasur përplasje të ashpra midis Policvisë dhe protestuesve si dhe raprezalja që ka vijuar më pas me arrestimin e 12 personave dhe shpalljen në kërkim të 39 personave të tjerë, gazetari tha se është një formë shantazhi dhe kërcënimi për të dhënë mesazhe ndaj të tjerëve.
Ndërkohë sa i përket shoqërimit të materialeve të votimit nëpër qendrat e votimeve nga persona civil dhe makina private, Dema tha: “Kjo nuk është diçka normale, pasi duke e krahasuar situatën edhe me zgjedhjet e zhvilluara më parë, mund të krijohet lehtësisht precedenti i manipulimeve me mbushjen e kutive”.
Për zhvillimet që pritet të ndodhin ditën e nesërme, angazhimit e forcave të policisë si dhe skenarët e mundshëm që mund të përdorin eksponentët e opozitës, gazetari i Fax News tha: “Ditën e nesërme do të përfshihen forcat e rendit, forcat Shqiponja dhe gjithashtu edhe Forcat Speciale. Unë e shoh të vështirë punën e policisë sepse mund të ketë shumë më shumë votues të revoltuar se sa policë. Kjo e bën gati-gati të pamundur për të pasur në kontroll situatën”.
Për deklaratat e ministrit të Brendshëm Sandër Lleshaj për shkrirjen e disa stacioneve të policive bashkiake, kjo thënë pas përplasjeve që ndodhën në Shkodër, Dema tha se nuk mund të përjashtohet si mundësi.
“Kam përshtypjen se në një situatë të tillë një lëvizje e tillë mund të vijë. Kemi rastin e shkarkimit të një krybashkiaku dhe kjo mund të bëhet nqa qeveria pa problem”.
Gazetari foli edhe për pikat ku do të jenë më të angazhuara forcat e rendit ku theksoi se janë kryesisht zonat elektorale që njihen si bastione të djathta, duke shtuar se, nëse ka tentative për bllokimin e procesit të votimit nga protestuesit, policia do t’a ketë shumë të vështirë ta menaxhojë. “Për Bashkitë që drejtohen nga opozita ka një plan masash për mbarëvajtjen e situatës. Në këtë kuadër është bërë edhe zhvendosja e disa materialeve zgjedhore nëpër biznese private. Por siç e thashë edhe më herët, forcat e Policisë do ta kenë shumë të vështirë ta menaxhojnë situatën nëse ajo ka indicie për përplasje dhe nuk përjashtohet edhe përdorimi i gazit lotsjellës”.
Ndërkohë për qëndrimet e kohëve të fundit të opozitës, gazetari Sokol Dema ka këtë mendim: “Mendoj se opozita ka një strategji për ditën e zgjedhjeve pavarësisht se ka një zbutje të situatës. Kam përshtypjen se kjo është e ndikuar nga ndërkombëtarët të cilët duhet thënë se janë rreshtuar zyrtarisht me mazhorancën duke pranuar zgjedhjet e 30 Qershorit”.
Dema tha se Gjykata Kushtetuese do të ngrihet brenda 45 ditësh, ndërsa për organet e tjera të drejtësisë mendon se do të ketë disa vonesa. “Gjykata Kushtetuese do të krijohet brenda 45 ditësh kjo është për shkak të Presidentit. Soreca ka zhvilluar një takim me drejtuesit e KPA-së ditën e djeshme dhe është paraqitur mjaft i shqetësuar. 13 prej kandidatë nuk kanë kaluar vettingun dhe dhe kjo ka sjellë edhe vonesat. Është hedhur ideja edhe për më pak anëtarë se sa është përcaktuar më herët ku bëhet fjalë për 15 anëtarë, ndërkohë që përflitet se është hedhur ideja për 10 osë më pak anëtarë”.
https://www.facebook.com/faxweb.al/videos/601655347022711/
(F.GJ/FAXWEB.AL)
Discussion about this post